مبروك لأخوتنا وأهلنا في عمان الشقيقة
وللمنتخب العماني نقول لكم
إجتهدتم ..
وأخلصتم ..
ولعبتم بمثايرة ..
وأبدعتم ..
وفي الآخر..... أنجزتم وحصدتم الكاس
بالفعل من جد وجد ومن زرع حصد !!
ومبروك .. مبروك .. مبروك عليكم البطولة ....
وللأهل والأحباب في المملكة نقول لكم هارد لك .. ما قصرتوا وخوش لعب ...
32 comments:
يستاهلون والله
لا تشوفيني وانا أصرخ
تقولين عمانيه
بس حسيت بفرحتهم بشي ناطرينه من عمر
وبعدين حلوتهم عجيبه
لووووول
رائعه من الطرفين للأمانه
و تعاطفي مع العمانيين
كان لعدة اسباب انهم كانوا الوصيف اكثر من مره و كذلك لأنهم فعلا فريق يستحق
و كذلك الاخضر السعودي فريق قوي ويستاهل له انجازته على الساحه
الف مبروك لعمان
المباراه كانت عجييبه
لكن احس ان السعوديين كان لعبهم اقوى مع منتخبنا
بس جد احنا واقفين وندعي عمان تفوز
ابوي يقول شفيكم
امي تقول بتسوي حلال مشاكل
لوول
السموحه لعيال العم وهاردلك
لكن عمان تستاهل وكافي فرحتهم تبرد الجبد
من الأول تمنيت الكاس لهم لأن فوز المنتخب بأرضه له طعم لا ينسى:)
مبروك لعمان ... كنتم تستاهلون:)
وهارد لك للسعودية ... قدمتم مباريات جميلة :)
abu eldestor:
إي والله يستاهلون أهل عمان :)
ظلوا على اصرارهم وفازوا
:)
ZooZ:
عندنا وعندج خير .. هذا وأنا نصي سعودي !! أشجع عمان لوووووول
شدراج يمكن يقرون بوستج ويدزون لج حلوى يشكرونج فيها :)
صج حلوتهم تهبل ... ذوقيها توهم مسوينها حارة .. عجيبة :)
Enter-Q8:
صج حلوة المباراة ....
يستاهلون على قد ما عطوا وثابروا نالوا الحمدلله ..
هارد لك للمملكة
وألف مبروك لعمان .. :)
Sn3a:
كانت مباراة عجيبة وممتعة وكلها حركة ...
حلال مشاكل مرة واحدة لوووووووووووووووووول
احنا بس صراخ وتشجيع لعمان كل ما قربوا خط ال18 :)
سلمي على الوالدة .. تونس الله يحفظها :)
nikon 8:
يستاهلون ... يستاهلون أهل عمان
وصراحة كلنا فرحنا لفرحتهم
أول فوز لهم بالكاس وعلى أرضهم لها طعم غــــــير :)
مباراة ممتعة
:)
هيه على راسي والله :)
بستاهلون والله .. ومبروك ومنها للاعلى :)
ولا عزاء للازيرق !!
وتحياتي ..
ويسلموااااااااااااااااااا :)
السالفة فيها إنّ ، ثلاث بطولات ورى بعض تفوز فيها الدولة المنظمة :)
مبروك لعُمان الفوز بالمباراة اللي طافتني :(
وينك يا السفير العماني ما توزع علينا حلوى بهالمناسبة
شهالحلوى الي نسمع فيها ما نشوفها
السلام عليكم
الف مبروك لجميع الاخوة العمانيين، فرحونا والله بفوزهم، يستاهلون والله ، اجتهدوا .. ولكل مجتهد نصيب، كل الاخوة العمانيين كانو متيمعين عندي بالشقة وقت المباراة، كوني انا الوحيد اللي عندي عرب سات في منطقتنا، والجيران اشتكوا علي نظرا للحشد الجماهيري الكبير اللي كان عندي..
على العموم،، على قد فرحتي لفوز عمان.. انا متضايق ان اللي ضيّع ركلة جزاء السعودية هو احد افضل لاعبين المنتخب السعودي، تيسير الجاسم، واهو لاعب حساوي من المنطقة الشرقية، والله خايف الامير سلطان بن قهد يقطع الكهرباء والماي عن اعيال العم والسبة تضييعه للبلنتي، يعني تيسير للجاسم للامانة كان نجم السعودية بهالبطولة، وكلنا شفناه شلون تلاعب بدفاعات منتخبنا وصنع هدف فوزهم، مع ذلك الامير سلطان ناكر الجميل.. في اتصاله اللي شرشرح فيه المحللين في القناة السعودية.. اشاد باحمد عطيف والفريدي والهوساوي وما ذكر ابد هاللاعب .. كنت اتمنى من ضيع البلنتي هو الفريدي وليس الجاسم.. جيكوا هاللنك :)
http://uk.youtube.com/watch?v=IqRjFAhIy-Q
يستاهلون الله يحفظهم
مبروك
وفرحنا لهم
جزاكم الله خير
حفظكم الله
فازوا العمانيين
مبروك عليهم
ولو اني كنت اشجع السعوديه :)
q8el5air:
يستاهلون الفوز .. تعبوا على نفسهم وطوروا من مستواهم ونالوا
مبروك عليهم
والأزرق ما قصر وإن شاءالله منها للأعلى وتصير خطوة أولى في طريق التقدم والفوز
:)
Safeed:
صدفة؟
شسالفتك ؟ شلون طافتك المباراة ؟
صراحة كان لعب جميل والمباراة كلها حركة حتى وإن كانت بدون أهداف .. لعب افتقدناه !!
مبروك عليهم :)
فريج سعود:
ومنا للسفير العماني .... نبي حلوى :)
شي عجيب حلوتهم يا فريج سعود شي عجيب :)
Maximilian:
وعليكم السلام والرحمة
إي والله فرحنا لفرحتهم :)
الله يجمعكم دوم على الخير.. ويمنع عنكم الشكاوي :)
توني أدري إن الجاسم من عيال العم !!!
إي والله لا يقطع عنهم الماي والكهربا ما يستاهلون ...
شفنا الفيديو ... شي مأساوي !!! شنو هذا !! يا للهول !!
الحمدلله على نعمة الحرية !!
أبو لطيف:
صج يستاهلون تعبوا ونالوا يا أبو لطيف
ولكل مجتهد نصيب
ويجازيك كل خير
حفظك الله ورعاك :)
اقصوصه:
مشجعة سعودية عندنا !! حياج الله!!
خوش مباراة صراحة
بس أهل عمان الطيبين يستاهلون الفوز .. أول كأس وعلى أرضهم :)
فرحنا لفرحتهم وشفنا سعوديين فرحانين معاهم صراحة ... فرحتهم كانت معدية :)
ثمرة العمل الجاد و السعي المتواصل للأفضل دائما تكون أحلى من العسل
يستاهلون الصراحة و إن شاء الله كاس أسيا و الوصول لكاس العالم يايين بالطريج
الله يبارك لهم و لكل من أحب أن الجد و العمل
دمتم و الأهل و الأحبة برعاية الله
بو محمد:
صدقت أخي الكريم
الجد والعمل يأتي بثماره دائما وفي كل مجال
الله يبارك لهم
حفظك الله وكل من تحب من كل شر
:))
يستاهلون
والفال لنا نعود كما كنا في الماضي
Manal:
نعم نعم يستاهلون
وآمين يا حبوبة الله يسمع منج
:)
الظاهر عُمان هالسنة غيروا الساحر اللي يتعاملون معاه .
.
.
.
.
غشمرة لا احد يصدق و يبلشني بعدين :)
انا بروحي ما ادري شلون طافتني ، مع اني كنت فاضي و التلفيزيون مفتوح بس ما يت المباراة براسي :(
خيرها بغيرها إن شاء الله ..
و مبروك مرة ثانية للعمانيين .. يستاهلون :)
مبروووووووك
أول بطولة ما اشوفها
>_<
مستوية وايد عاقلة !!
ما عندي وقت حق الترفيه !!
Safeed:
محد بيبلشك أنت بلشت عمرك :)
ويستاهلون أهل عمان .. صج شعب طيب :)
وتم الدعاء الله يقضي حوائجك وحوائجنا جميعا
:)
malak :
ونعيد معاج مبروووك :)
Dubai:
لوووووووول
ليش عاد مستوية عاقلة ... ما شفنا منج إلا العقل :)
وبعدين مشاهدة البطولة ليست ترفيه بل واجب وطني خليجي :)))
منورة :)
Post a Comment