بسم الله الرحمن الرحيم
والصلاة والسلام على سيدنا محمد وآله الطيبين الطاهرين وصحبه المنتجبين
بداية نحمد الله سبحانه وتعالى الذي لا يحمد سواه فالحمدلله رب العالمين كما يستحقه حمدا كثيرا على خروج والدي من المستشفى بالسلامة بعد عملية جراحية بالقلب وتركيب جهاز منظم لدقات القلب
Pacemaker
لا أراكم الله مكروها بعزيز
قد صعب علينا رؤية والدي بهذه الحالة خاصة وأنه ماشاءالله سبحانه وتعالى كان دوما في تمام صحته وعافيته وتعتبر هذه أول مرة يدخل فيها المستشفى وفي حالة صعبة......... ولكن السكر وما أدراك ما السكر فقد كان يعاني والدي من عيب خلقي بالقلب ولكن بفضل من الله ومن بعدها محافظة والدي العزيز على صحته من خلال التغذية الجيدة والرياضة الدائمة وشعار في الحركة البركة لم تظهر عوارض حالته إلا بعد أن أصيب بمرض السكري بما يقارب ال17 سنة ..
أدخل الوالد إلى مستشفى الصدري الجديد الذي تم افتتاحه العام الماضي 2008
والمستشفى لا بأس به وما راح أتحلطم إلا على شي واحد مو قادرة أتجاهله لأن أمر ما ينسكت عنه ...
حين جاء وقت نقل الوالد إلى غرفة العمليات ..أبيت إلا أن أرافقه الدرب وأوصله بنفسي إلى باب غرفة العمليات الذي يقع في المبنى القديم
ولأول مرة أكون أنا السائرة وهو المستلقي على السرير " قلبي عورني حزتها"
فالعادة أن أكون أنا المستلقية على السرير إما داخلة إلى غرفة طوارىء وإما غرفة عمليات نتيجة لسقوط من درج أو محاولة غبية لإستفزاز البقر في المزرعة "عبالي كاوبوي"
أو ناطة من سرير وإلا كاسرة أنفي وإلا مصيبة من المصايب اللي تعودوا عليها الأهل في طفولتي
الله الحافظ سبحانه
المهم وصلنا إلى مصعد بعيد نوعا ما وقلت لنفسي والله زين سووا مصعد خاص بنقل المرضى ومستانسة وطاقتها سوالف مع الوالد وأهدي عليه .. شوي ولا ينفتح الباب ... وشنو شفنا؟؟؟؟؟
عامل نظافة بطول درام الزبالة "مكرم السامع" اللي قاعد يدزه, ولابس كمام @@ يا لهوي إيه ده !!! قلت للمرضة ما في غيره؟؟
قالت لا بس هذا اللي حجمه يكفي السرير !! قلت لها من صجج؟
ابتسمت الممرضة بخجل وقالت للعامل يطلع وعلى ما عوبل بنفسه وبالدرام وطلع ...دشينا احنا !! وويع شنو ريحة خايسة وشنو من خنقة .. قمت غطيت نص ويه الوالد بالشرشف قلت يمكن يخفف من الريحة
..
بالله عليكم وين قوانين الصحة والوقاية والسلامة !!
المهم وقف المصعد وانفتح الباب وأفاجىء بداهية ثانية
قسما بالله العلي العظيم كان جدامنا عمال أثنين يدزون عربانة الأكل ... إيه المصايب اللي الواحد يشوفها بوقت واحد
بروحي أحاتي الوالد ونفسيتي تعبانة وأشوف هالمصايب ...
المصعد نفسه يستعملونه لنقل النفايات والمرضى والأكل... يعني شلون تترقع هذي؟
لا حول ولا قوة إلا بالله العلي العظيم الواحد وين يتفائل وين يتأمل خير بخدماتنا ومسؤولينا ..
يعني مستشفى جديد وحالتكم حالة ما قدرتوا تبنون ممر يربط المبنيين ببعض بدون لوية إنزل من صوب ورد إصعد من الصوب الثاني
ما فيكم واحد فكر أن المرضى راح يحتاجون مصعد خاص فيهم ؟ ما فيكم واحد يعرف أدنى شروط الصحة والوقاية ؟
وطول الطريج وأنا أسأل الممرضة ليش جذي وليش هذا هني ... وليش ما سووا ممر ... وليش ما في تطبيق لقوانين الوقاية والأمن والسلامة وهي الله خير ترد علي ومستحية ومو دارية شتقول
إنزين اشتكوا وإلا رفعوا تقرير ...واحد يسوي شي... يقول شي ... يهبب أي حاجة !!
وصلنا غرفة العمليات وسلمت على الوالد ودعيت له ودخلته الممرضة مع البورتر ونطرتها ...
وبعد خروجها رافقتها بطريق العودة إلى الجناح وغرفة الوالد وقعدت أسألها وأتحلطم على الوضع وقلت لها أبي أقدم شكوى رسمية ورفعيها بإسمي
قالت لي ماكو فايدة
بققت عيوني وقلت لها أنا أبي أقدم شكوى فيه فايدة ولا ماكو فايدة..
طبعا ما حبيت أتحلطم عن بقية الأمور علشان لا يقولون مو عاجبها شي بالمستشفى واكتفيت بمصيبة المصعد ..
بس الحق يقال الغرف الخاصة شرحة ووسيعة وحلوة وعليها فيو عجيب لأنها تطل على بحر المجاري لووول
وغير جذي ما عندي مديح آخر
هل يعقل مستشفى شكبرها ما فيها واحد إداري ولا دكتور غيور يفتهم ويتكلم ويعمل على التغيير ؟؟؟
والله السالفة الواحد لو بيتكلم فيها ويدقق بأسباب الأخطاء لازم يرجع من أول يوم قرروا يبنون فيه مستشفى وشنو المقاييس اللي على أساسها تم التصميم والتخطيط
وما نقول إلا الله يعينا ويصبرنا ويصلح حالنا وأمورنا لأن شي يحر ويحرق القلب أن مثل هالأمور تصير عندنا بالكويت وبهالزمن هذا
وإن دل فهو يدل على قلة التنظيم
ماكو تخطيط
ماكو قوانين متبعة
والله المستعان
خل أسكت لا أدش في بوست تحلطم ما يخلص ... وبصراحة فرحتنا بخروج الوالد بالسلامة هي اللي مانعتني من التمادي في التحلطم
والحمدلله رب العالمين على نعمه التي لا تعد ولا تحصى
على الهامش:
ما قصرتوا يا بو محمد وأم محمد والزين بالسؤال والدعاء عسى ربي يحفظكم ويحميكم وكل أحبابكم من كل شر ويا رب يرزقنا وإياكم استجابة الدعاء ويرزقكم من خير الدنيا والآخرة ويكفيكم من شرورهما قولوا آمين
والله لا يحرمنا من معرفتكم الغالية وصحبتكم الطيبة ونخدمكم بالأفراح إن شاءالله
:))
والصلاة والسلام على سيدنا محمد وآله الطيبين الطاهرين وصحبه المنتجبين
بداية نحمد الله سبحانه وتعالى الذي لا يحمد سواه فالحمدلله رب العالمين كما يستحقه حمدا كثيرا على خروج والدي من المستشفى بالسلامة بعد عملية جراحية بالقلب وتركيب جهاز منظم لدقات القلب
Pacemaker
لا أراكم الله مكروها بعزيز
قد صعب علينا رؤية والدي بهذه الحالة خاصة وأنه ماشاءالله سبحانه وتعالى كان دوما في تمام صحته وعافيته وتعتبر هذه أول مرة يدخل فيها المستشفى وفي حالة صعبة......... ولكن السكر وما أدراك ما السكر فقد كان يعاني والدي من عيب خلقي بالقلب ولكن بفضل من الله ومن بعدها محافظة والدي العزيز على صحته من خلال التغذية الجيدة والرياضة الدائمة وشعار في الحركة البركة لم تظهر عوارض حالته إلا بعد أن أصيب بمرض السكري بما يقارب ال17 سنة ..
أدخل الوالد إلى مستشفى الصدري الجديد الذي تم افتتاحه العام الماضي 2008
والمستشفى لا بأس به وما راح أتحلطم إلا على شي واحد مو قادرة أتجاهله لأن أمر ما ينسكت عنه ...
حين جاء وقت نقل الوالد إلى غرفة العمليات ..أبيت إلا أن أرافقه الدرب وأوصله بنفسي إلى باب غرفة العمليات الذي يقع في المبنى القديم
ولأول مرة أكون أنا السائرة وهو المستلقي على السرير " قلبي عورني حزتها"
فالعادة أن أكون أنا المستلقية على السرير إما داخلة إلى غرفة طوارىء وإما غرفة عمليات نتيجة لسقوط من درج أو محاولة غبية لإستفزاز البقر في المزرعة "عبالي كاوبوي"
أو ناطة من سرير وإلا كاسرة أنفي وإلا مصيبة من المصايب اللي تعودوا عليها الأهل في طفولتي
الله الحافظ سبحانه
المهم وصلنا إلى مصعد بعيد نوعا ما وقلت لنفسي والله زين سووا مصعد خاص بنقل المرضى ومستانسة وطاقتها سوالف مع الوالد وأهدي عليه .. شوي ولا ينفتح الباب ... وشنو شفنا؟؟؟؟؟
عامل نظافة بطول درام الزبالة "مكرم السامع" اللي قاعد يدزه, ولابس كمام @@ يا لهوي إيه ده !!! قلت للمرضة ما في غيره؟؟
قالت لا بس هذا اللي حجمه يكفي السرير !! قلت لها من صجج؟
ابتسمت الممرضة بخجل وقالت للعامل يطلع وعلى ما عوبل بنفسه وبالدرام وطلع ...دشينا احنا !! وويع شنو ريحة خايسة وشنو من خنقة .. قمت غطيت نص ويه الوالد بالشرشف قلت يمكن يخفف من الريحة
..
بالله عليكم وين قوانين الصحة والوقاية والسلامة !!
المهم وقف المصعد وانفتح الباب وأفاجىء بداهية ثانية
قسما بالله العلي العظيم كان جدامنا عمال أثنين يدزون عربانة الأكل ... إيه المصايب اللي الواحد يشوفها بوقت واحد
بروحي أحاتي الوالد ونفسيتي تعبانة وأشوف هالمصايب ...
المصعد نفسه يستعملونه لنقل النفايات والمرضى والأكل... يعني شلون تترقع هذي؟
لا حول ولا قوة إلا بالله العلي العظيم الواحد وين يتفائل وين يتأمل خير بخدماتنا ومسؤولينا ..
يعني مستشفى جديد وحالتكم حالة ما قدرتوا تبنون ممر يربط المبنيين ببعض بدون لوية إنزل من صوب ورد إصعد من الصوب الثاني
ما فيكم واحد فكر أن المرضى راح يحتاجون مصعد خاص فيهم ؟ ما فيكم واحد يعرف أدنى شروط الصحة والوقاية ؟
وطول الطريج وأنا أسأل الممرضة ليش جذي وليش هذا هني ... وليش ما سووا ممر ... وليش ما في تطبيق لقوانين الوقاية والأمن والسلامة وهي الله خير ترد علي ومستحية ومو دارية شتقول
إنزين اشتكوا وإلا رفعوا تقرير ...واحد يسوي شي... يقول شي ... يهبب أي حاجة !!
وصلنا غرفة العمليات وسلمت على الوالد ودعيت له ودخلته الممرضة مع البورتر ونطرتها ...
وبعد خروجها رافقتها بطريق العودة إلى الجناح وغرفة الوالد وقعدت أسألها وأتحلطم على الوضع وقلت لها أبي أقدم شكوى رسمية ورفعيها بإسمي
قالت لي ماكو فايدة
بققت عيوني وقلت لها أنا أبي أقدم شكوى فيه فايدة ولا ماكو فايدة..
طبعا ما حبيت أتحلطم عن بقية الأمور علشان لا يقولون مو عاجبها شي بالمستشفى واكتفيت بمصيبة المصعد ..
بس الحق يقال الغرف الخاصة شرحة ووسيعة وحلوة وعليها فيو عجيب لأنها تطل على بحر المجاري لووول
وغير جذي ما عندي مديح آخر
هل يعقل مستشفى شكبرها ما فيها واحد إداري ولا دكتور غيور يفتهم ويتكلم ويعمل على التغيير ؟؟؟
والله السالفة الواحد لو بيتكلم فيها ويدقق بأسباب الأخطاء لازم يرجع من أول يوم قرروا يبنون فيه مستشفى وشنو المقاييس اللي على أساسها تم التصميم والتخطيط
وما نقول إلا الله يعينا ويصبرنا ويصلح حالنا وأمورنا لأن شي يحر ويحرق القلب أن مثل هالأمور تصير عندنا بالكويت وبهالزمن هذا
وإن دل فهو يدل على قلة التنظيم
ماكو تخطيط
ماكو قوانين متبعة
والله المستعان
خل أسكت لا أدش في بوست تحلطم ما يخلص ... وبصراحة فرحتنا بخروج الوالد بالسلامة هي اللي مانعتني من التمادي في التحلطم
والحمدلله رب العالمين على نعمه التي لا تعد ولا تحصى
على الهامش:
ما قصرتوا يا بو محمد وأم محمد والزين بالسؤال والدعاء عسى ربي يحفظكم ويحميكم وكل أحبابكم من كل شر ويا رب يرزقنا وإياكم استجابة الدعاء ويرزقكم من خير الدنيا والآخرة ويكفيكم من شرورهما قولوا آمين
والله لا يحرمنا من معرفتكم الغالية وصحبتكم الطيبة ونخدمكم بالأفراح إن شاءالله
:))
42 comments:
الحمدلله على سلامة الوالد.. واجر وعافيه تكفير للخطايا ان شاءالله..وعسى الله يطول بعمره ويخليه لكم.. =)
جرفاس:
الله يسلمك ويعافيك ويآجرك بكل خير
وعسى ربي يحفظ لك كل عزيز
شاكرين لك مرورك الأول
:))
سلامات سلامات وماتشوفون شر
و الحمدلله على السلامة
يامعوده الاهم الحين الصحة
و طنشي لاتركزين على اللي شفتيه
بتنغثين زيادة
صبحج الله بالخير يا الغالية
:))
حمدلله على سلامة الوالد
مايشوف شر ان شاء الله
الف لا باس عليه
والله اقرا وعيوني تدمع ،كل شي الا الابو عسى ربي لا يحرمج منه ولا يحرمج اجر بره ويفتح لج برضاه الجنه ويبارك لج بذريتج ويبرون فيج يارب
قولي امين
:)
تصدقين قريت حلطومه بالعنوان
قلت امبيه هذي حجوتي
خربت كلام المجتمع
:P~
صج شي يحر
يعني حرام مستشفى يديد بدل الاهتمام بالورد والزرع والريحة والمنظر الحسن يسون جذي
:(
لازم احد يشتكي بشكل رسمي
حرام المستشفى يديد
!!
وما تشوفون شر ان شاء الله
ملاحظة:
شكرا من القلب على تعليق البارحة
كنت بنزله
ومت من الضحك فعلا على بدليتي
عاد انا بدلياتي بالانجليزي طوفوها كل واحد وعلامو
:P~
وبما ان البوست مضيع انشال وانحط بداله بوست اخير قبل سفر هالفجر
:))
أجر و عافية و ألف الحمدلله على سلامته
إهي بس يت على هالمستشفيات؟
خليها على الله
الحمدالله على سلامته
و الله يحفظه و يجعله على راسكم و يعطيه الصحة و العافية و يشوف احفاد احفاده يارب
-------------------------
اما بالنسبة للمستشفيات فهيا صج
انها مو صج
اهيا حتى المعقم ريحته تخنق
انا سمعت انهم امفكرين يشترون المستشفيات الخاصة
و صراحة تفاءلت خير
الله كريم :))
اهم شي سلامة الوالد و كل شي يهون
قوه مدام ين اشلونج شخبارج .. والله ولهت عليج وعلى سوالفكم وعلى بوستاتج الحلوه :)
والحمدالله على سلامه الوالد الله يعطيه الصحه والعافيه وخليكم لبعض يارب وخليلج كل اهلج يارب ويحفظكم من كل مكروه :)
والسموحه على القطاعه :)
الف الحمدالله على سلامة الوالد الغالي
ربي وقلبي معاكم يدعون لكم
وما نسيتج بعد قلبي بكل فرض
بالي معاج
:**
وسامحيني على القصور
7amdelelah 3ala salama alwaliid
'3eda alshar
ma2jooreeen in sha allah
الحمدلله على سلامة الوالد
ما يشوف شر :)
يعني ما يقدرون يخلون المستشفى مثالي
ترى يخافون من العين ;p
أبو الدستور:
الله يسلمك يا رب ويحفظك وكل أحبابك من كل شر
والله يا أخوي
انغثينا وخلصنا وقاعدة أقاوم ما أسوي تحديث بباقي الأمور اللي شفتها
مشكور يا بو الدستور وما قصرت
:))
esTeKaNa:
مساج الله بالنور والخير والبركة يا الغالية
:))
الله يسلمج ويسلم أحبابج من كل شر حبيبتي
آمين يا رب آمين
الله يحفظج لج والدينج يا إستكانة ويطول لج بأعمارهم ولا يخليج منهم يا رب ويرزقج برهم وطاعتهم ورضاهم
:))
لووول
عاد من زمان أكتب حلطومة
عندي بوست قديم مثنيتهم وكاتبة حلطومتين
تهقين توافق فكري بيني وبينج؟
:))
والله إستكانتنا أنا كتبت بس شغلة وحدة
وإلا فيه وايد
خليها على الله
أنا اشتكيت وأجزم بأن غيري إشتكى بس مثل ما قلت لج للأسف عندنا بهالديرة لا قانون يسري ولا عقاب يطبق ولا اهتمام
الله كريم
الشر ما إييج حبوبة
ومشكورة وما قصرتي فيج الخير
:)))
ملاحظة:
تعليقي كان تحرش بريء فيج
لوول
يا رب ما يحرمج من الضحكة الحلوة وعسى البسمة ما تفارق محياج
لووول
خلاص واحدة بواحدة وكل واحد وعلامو
لوول
تروحين وتردين بألف سلامة يا إستكانتنا بتكون لج وحشة
:))
سرحان:
الله يعافيك ويسلمك أنت وكل من يعز عليك من كل شر يا رب
وأنت صاج
بس من المفروض تكون أكثر الخدمات اهتماما الصحة لأهميتها الكبرى
الله كريم يا أخي الفاضل
مشكور وما قصرت
:))
om comment kuwait:
الله يسلمج ويحفظج أنت واحبابج من كل شر
آمين يا رب وعسى ربي يرد لج دعاؤج لنا أضعاف
:))
صاجة مو صج مو صج اللي فيها
يقولون والمشكلة مو إنهم يشترونها ولا لأ
المصيبة شراح يكون حالها بعد الشراء إذا ما عندهم خطط يمشون عليها ولا قوانين تتبع
الله كريم سبحانه
هو لطيف بعباده
الله يسلمج ما قصرتي
:))
fatto:
هلا والله فاتو
أنا بخير الحمدلله عساج بخير؟
توله عليج الصحة والعافية والبركة يا رب
الله يسلمج عزيزتي إنتي والوالدة وكل أحبابج ويحفظكم من كل شر ويخليكم لبعض يا رب
:)))
مسموحة عزيزتي وما في داعي للإعتذار الدنيا تلاهي ومشاغل وكل من عذره معاه
مشكورة وما قصرتي عزيزتي
:))
الزين:
الله يسلمج ويحفظج ويغليج ويصونج إنتي وكل أحبابج من كل شر يا رب
حبيبتي ما تقصرين يا زيون
وأدري فيج قلبج كبير وما تنسين أحد
ترى هم أنا بالي معاج عقب ما كلمتج بس قلت أخليج تخلصين المشاغل المهولة وأدق عليج
:**
آفا عليج زيون ما من قصور سويتي الواجب وزيادة
مشكورة وما قصرتي وأردها لج بالأفراح إن شاءالله حبيبتي إنتي
:*
:))
أم حسن:
الله يسلمج أختي ويحفظج إنتي وأحبابج من كل شر يا رب
الله يآجرج بكل خير
مشكورة ما قصرتي
:))
Aurous:
الله يسلمج حجيجة
والشر ما إييج يا رب
ويحفظ لج والدينج قولي آمين
:))
لووووول
موتيني ضحك
تخيلي وزارة الصحة تعلق كف أزرق على بيبان المستشفيات خوفا من العين
والله فشيلة
لووول
مشكورة وما تقصرين حبوبة
:)))
الحمدلله على سلامة الوالد و ما يشوف شر ان شاالله :-) 00
مثل ما ذكرت بالبوست اللي طاف عندنا اخطاء واااااااايد
بس وين اللي يسمع و يخطط ,, يعني مستشفى قديم , لازم يتجدد و حسافة اذا صار تجديد صار على نفقة احد الطيبين ؟!00
هذا مستشفى بو 15 مليون مصعده للمرضى والاكل والقمامة واحد !!!؟؟؟؟
المهم
الحمدلله على سلامة الوالد اجر وعافية ان شاء الله
ومايشوف شر
dr-maarafi:\
الله يسلمك ويسلم أحبابك من كل شر دكتور علي
والشر ما إييك إن شاءالله
:))
صحيح كلامك أخطائنا واااااايد وكلنا ندري عنها ومعظمنا عنده حلول متواضعة وفعالة لها ولكن مسؤولينا ما يعرفون راسهم من ريولهم
وعموما سياستنا دائما تعني بتوظيف المصالح والتكسبات لا بتوظيف الشخص المناسب في المكان المناسب
والمستشفى اللي أتكلم عنها أخوي علي هى مستشفى الصدري الجديد مبنى جديد كليا مفتتحينه العام ب 2008 مو قديم
خلف الله علينا
مشكور دكتورنا وما قصرت
حافظك الرحمن
:))
فريج سعود:
هذا مستشفى بو 15 مليون طل 15 مليون تومان مو دينار
مستحيل
السنترال خربان وحر والمرضى مبطلين البيبان
وبيبان الغرف الخصوصي فيها علة ما تتسكر عدل
والأثاث وصخ وصخ إلى أقصى الحدود
وسرير المريض خربان ما يشتغل فيه ولا زرار ولا حتى زر مناداة الممرضة هذا وهو جناح مرضى جراحة القلب "الحمدلله والشكر"
وغيره وغيره بس إنه المصعد نفسه للأكل ومرضى الجراحة والقسطرة والزبالة تكرم
هذي عاد غطت على كل شي
ما شفتها بحياتي
زين بالجذب صعدوا القمامة الفجر ومحد يدري !!
ترى السالفة واضحة لأن مستوى الخدمة والتأثيث والديكور والخدمات ما يرتقي إلى 15 مليون
خلها على الله
مشكور يا فريج سعود وما قصرت الله يسلمك من كل شر أنت والأهل ويحفظ لك الوالد والوالدة ويرزقك برهم ورضاهم
:))
سلامتكم
وماتشوفون شر
:)
ألف حمدالله على سلامة الوالد
الله يعطيه الصحة والعافية ولا يحرمكم منه
أتأثر جدا مرض الآباء لأنهم في بالنا أبطال وما يمرضون
اول شي الحمدلله على سلامة الوالد ويارب تطول بعمره ويخليه ذخر لكم
المصيبه مو بالمستشفى هذا وبس , تعالي شوفي الأميري نفس الحاله ... عندهم مصعدين كبار هو مال الأكل هو مل الزوار هو مال النفايات والزباله ونفسه مال نقل المرضه من العمليات للغرف والعكس
خليها على رب العالمين الديره تبجي والله
العرزالة:
الله يسلمك ويعافيك
والشر ما إييك
ما قصرت
:))
Nikon 8:
الله يسلمك يا رب ويحفظج ويعطيج وكل أهلج الصحة والعافية
ولا يحرمج من غالي
صاجة
طول عمره بصحة وعافية ماشاءالله وأول مرة يدخل المستشفى لأي سبب من الأسباب صعب علينا نشوفه جذي
الحمدلله على كل حال
مشكورة وما قصرتي
:))
lwatan-ajmal:
الله يسلمك ويطول بعمر كل أحبابك وغاليينك بالخير ويرزقكم البركة
والله يا أخوي الكريم أدري بوضع مستشفياتنا وشي يدمع له القلب قبل العين لأنها مسألة صيانة وتخطيط مسبق ومعرفة بأمور الأمن والسلامة بس شتقول لما المصالح والواسطة تتحكم بالمناصب ويوضع الشخص الغير مناسب والأثول في المكان الحساس والحيوي ؟
بس اللي يحر أكثر إنها مستشفى جديدة جدا ما صار لها سنة
!!
الله المستعان
ويفرجها عنا ويصلح حال هالبلد
مشكور يا أخي الكريم وما قصرت الله يحفظك أنت وغاليينك
:))
الحمدالله على سلامته والله يخليه لكم انشالله
جنون الكويت:
الله يسلمج ويحفظج ويخليلج أحبابج يا رب
شاكرين لك مرورك الأول
:)
أجر وعافية وان شاء الله خطاه السوء ياستي
ما ينخاف عليه مادام عندكم هذا اليقين بمن هم أهل للتوسل :)
أجر وعافية اختي العزيزة
ولا أراكم الله مكروه بعزيز ان شاء الله
:)
علي الملا:
الله يعافيك وخطاك اللاش
صلاة الله وسلامه عليهم أجمعين
الله يرزقنا وإياكم الرضا واليقين الصادق إن شاءالله
مشكور أخينا علي ما قصرت
:)))
shosho:
يآجرك ويعافيك رب العلا بكل خير
ويحفظ لك كل عزيز وغالي يا رب
مشكورة عزيزتي ما قصرتي
:))))
أجر وعافية وإن شاء الله معافى مشافى بحق المولى باب الحوائج إمامنا موسى الكاظم صلوات الله عليه ..
Hussain M:
الله يآجرك بكل خير ويعافيك من كل شر أخي حسين
ويا رب يحفظ لك كل غالي
صلوات الله وسلامه على إمامنا موسى الكاظم
وعلى أئمتنا الميامين
ما خاب من تمسك بهم
مشكور وما قصرت
:))
الحمد لله على سلامة الوالد
ما يشوف شر ان شاء الله
salah:
الله يسلمك ويسلم أحبابك
والشر ما إييك
عسى ربي يحفظ لك كل غالي
مشكور وما قصرت
:)
ما تشوفون شر .. واجر وعافيه ..
وللوالد طولة العمر ان شاء الله
اما مستشفيات الكويت ..
يدخل لها المريض مريضا ..
ويطلع منها بدون لا يعالجونه .. واضافة لذلك على القليل اربعة او خمسة من عايلته تصير فيهم امراض نفسيه وقولون وضغط بسبب الهواش والقلق ..!!
الله كريم بس ..
الحمدالله على سلامة الوالد :) و الله يخليه لكم انشالله
مطعم باكه:
الشر ما إييك أخي الكريم
وعسى ربي يآجرك بكل خير ويعافيك
وأنت الصاج المريض يدخل بمرض واحد يطلع بأمراض عدة
الله أكرم الأكرمين سبحانه
مشكور وما قصرت الله يحفظ لك غاليينك
:))
New Bride:
الله يسلمج ويخليج ويحفظ لج كل غالي إن شاءالله
وعساج طول عمرج عروس جديدة
مشكورة وما قصرتي
:))
Post a Comment