أبارك للشعب الكويتي بإنجاز نواب الأمة بإقرار قانون إطلاق اللحى.
ياجماعة وين في مجلس مثل مجلسنا، عطونا إنجازات مثل إنجازات هالمجلس، الصراحة كنا وايد محتاجين هالقرار والله لا يخلينا من قراراتكم الصائبة المفيدة للشعب.
اسمحولي ياجماعة
حاولت اني ما اكتب بس ما قدرت
قلبه متروسة :(
وهذا اول بوست عشان الزميل الجميل ابا مهدي
الحين تقدر تدش الجيش وانت مرتاح، لاتحاتي تشيل اللحية ولا ........... (انت أخبر)
تحياتي
14 comments:
غباااااااااااار
Welcome back
أولا ما في مشكلة باعطاء الحرية للاشخاص باطلاق اللحية أو حلقها
تبقى حرية شخصية
لكن السخافة أن يحتاج موضوع نفس هذا الى قانون...
يعني الوزير ما يقدر يطلع قرار بهذا الخصوص!
والحمد لله على سلامتكم :)
سلام عليكم
نور البلوغ
وعلى اللحا السلام
بس نسوا يقرون حف الشوارب
كل عام وانت بخير يارب
بالنسبة للجيش والله مافيها شي اذا اللحية كانت موجودة مو عارفة ليش اول كانوا مانعينهم يعني يبون يمارسون تدينهم ... الحمدلله المهم ينجزون بالجيش والاهم الانجاز بالمجلس
هلا والله بالجميل
وولكم باك انت بعد :)
انا اوافقك تماما، بقانون إطلاق اللحى لاني انا واحد من الناس عمري ما حلقت لحيتي.
ولكن العيب مثل ما قلت اننا نحتاج إلى قانون يشرع من ممثلي الشعب لإقراره، وترك قوانين أكثر أهمية معلقة.
تحياتي
هلا بالعزيز خادم العترة
البلوقات منورة بأهلها :)
والله ياخوي ضاعت الاولويات، وعلى قولتك لا تستغرب بقانون جديد بحف الشنبات.
الله، جميل والله خوش قانون يرفق مع القانون الاولي ويسمونه:
قانون حف الشوارب وإطلاق اللحى :)
تحياتي
اختي العزيزة طموحة مملوحة
وانت بخير وصحة وسلامة وعساها سنة جميلة للجميع.
والله انا مو معترض على القانون نهائيا ومؤيده تماما.
ولكن مثل ما قال الجميل صلاح، وين اولوياتنا، ليش نحتاج إلى قانون عشان الناس تمارس تدينهم.
لو علاقة السلطتين فيها خير لما احتجنا لقانون إطلاق اللحى، كل شي صار بمقايضة، حتى قانون المرأة المطروح حاليا.
شكرا لمرورك
وتحياتي
الي حاط صورته يبيله تعديل دستور مو بس قانون
ولكم باك
منور
هلا بالخوي
فريج سعود
اسكت ياخوي لايجلبون
والا باجر طالعين الجماعة واستجواب جديد لتعديل الدستور. خل انخلص الاولي بعدين نطلع بالندوات :)
وثانكس على الولكامينج زززز
تحياتي
عزيزي رهبري
اتصدق عاد بس قرأت رهبري حاشتني قشعريرة، بس طبعا قشعريرة طيبة ويوم دخلت بلوقك تأكدت انها كانت طيبة.
التور نورك ياخوي
وحياك الله
تحياتي
اللي اقر هالقانون عنده نظرة مستقبلية
لانه يدري في حال ما صار عندنا (إلا الدستور) فإنه
في القادم من السنوات ما تروح تكون
عند عيالنا (طبعا مو عيالي انا :) ) فلوس
يفسفسونها بالصالونات (ولا الصوالين؟) على تنعيم الخدود
.
.
أقول اخاف ازيد بالحجي بعد وتطردني بره :)
كل عام وأنت (والأسرة الكريمة) بخير، والله يجعلها سنة سعيدة
عليكم اجمعين إن شاء الله
:)
هلا بالسفيد :)
ما عاش اللي يطردك، ممكن نغزات بس مو طرده اشكرا :) (غشمرة
اتصدق عاد انت نبهتني لمشكلة راح تصير بعد إقرار هالقانون.
الإقتصاد راح ينهار بعد تطويل اللحى وصالونات وايد راح اتسكر :(
هذي المشكلة يبيلها استجواب :)
تحياتي للسفيد
بووووووووووووووي
إشلون يغسلها ويشسورها
هلا والله بحبوب عوار الراس :)
كانك تدري مصدع اليوم وماداومت :(
اما بالتسبة للغسيل والسشوار، فهو مأجر 2 للقيام بما يلزم :)
يعني الحين لازم يصير عندك خدامة وسايق وطباخ و2 للغسيل والسشوار :)
تحياتي
Post a Comment