بسم الله الرحمن الرحيم
خفاشنا طلع ولا شي أمام ما قابلته أختي أول البارحة ............ لوول
الله يسلمكم أختي تدرس حاليا في أستراليا بلاد المخلوقات العجيبة .. ترى حتى ناسهم عجيبين غريبين :))
وبين فترة وفترة تصادف عناكب أشكال وألوان عندها بالبيت.. دود غريب... حشرات عجيبة ... غربان داشة المطبخ !!!
بس البارحة لقت مخلوق مزيج بين البريعصي والحية ..!!
وماشاءالله عليها طلعت جَدَعة وأشطر مني .. "العايلة كلها جدعان ماشاءالله"
فقد قررت إنها توثق الحدث بصور قبل لا تصيد المخلوق وتحطه داخل برطمان زجاج "غرشة" ..
وأختي الحنيِّنة قررت إنها تطلق سراح المخلوق على مشارف الغابة القريبة من بيتها :))
سبحان الله وصلني إيميلها اليوم عشان أحطه بوست ويشوفون إللي استغربوا وجود خفافيش بفانكوفر!! ... شنو أكو باستراليا ..!!
P:
وإليكم صورتين للمخلوق مباشرة من قلب الحدث إليكم :))
حمدوا ربكم على الزهيوية والبريعصية اللي عندنا بالكويت :))
"نفضت من شفته !! والله الخفاش كان وايد أهون.............. !! على الأقل كان شكله كيوت !!!!"
حفظكم وعافاكم الله من شرور الدنيا ومن شر كل مخلوق غريب "عاد إنسي ولا حيواني إنتوا بكيفكم"
"نفضت من شفته !! والله الخفاش كان وايد أهون.............. !! على الأقل كان شكله كيوت !!!!"
حفظكم وعافاكم الله من شرور الدنيا ومن شر كل مخلوق غريب "عاد إنسي ولا حيواني إنتوا بكيفكم"
