سيقوم بزيارة ديوانيتنا مساء يوم الثلاثاء القادم 7- إبريل - 2009 .. النائب السابق عبدالواحد العوضي
(مصدر الصورة جريدة الراي )
صاحب الرسالة المشهورة :)
( مصدر الصورة جريدة الآن)
ولمن أراد منكم أن يتقدم بسؤال أو استفسار أو أي طلب آخر من النائب السابق أنا حاضر وفي الخدمة لسؤاله والرد عليكم بجوابه
ولمن يريد أن يسأله بنفسه حياكم الله في الخيمتنا... "رجال فقط ترى ديوانية"
إن أردت الحضور إبعث ايميلك يصلك العنوان..
وللنساء الفاضلات لو مرت علينا مرشحة أعطيكم خبر .. ونحط لكم كشك خارجي :)
وللتوضيح فقط لم يحضرالنائب السابق العوضي بناءًا على دعوة منا ولسنا من سكرتاريته ولا لجنته ولا من مشجعيه
بس راح نعطي الريال فرصة يسولف ونسأله أسئلة تهمنا عن المجلس ونستوضح مواقفه , ونتمنى أن نحصل على بعض الأجوبة التي تشفي غليلنا :)
مع إني تمنيت يكون السيد القلاف اللي زايرنا عشان أبرد جبدي وأسأله أسئلتي اللي دزيتها لسكوب بس معليش خيرها بغيرها !!
وعد إذا جاء السيد لزيارتنا راح أحط دعوة مفتوحة للجميع :)
وسلامتكم
دمتم بحفظ الله ورعايته
26 comments:
اخوي ..
انت عيونا في ديوانتيكم ...
وافونا باخر التطورات
أنـا مستغرب إنه بعد هالفضيحة ناوي يرشح نفسه مرة ثانية! واقعا الرجل بعد هالحادث لازم يقتص من نفسه و يعتبر النيابة فترة و انتهت !
انا ما عندي سؤال او تعقيب إلا اني بانتظار رؤية ما تجود به قريحته من تبريرات .. :) ..
سؤالي
جم ورقة مثل الي كتبها ماطاحوا عليها في مشواره البرلماني
مركبنا:
أختي .....
إن شاءالله نوافيكم بكل ما يحدث بصدق وأمانة
مراسلكم "يانغ"
:)
Safeed:
باعتقادي المتواضع ..كل إنسان يخطىء وكل منا لديه من الأسباب ما يبرر فيها خطأه
وأما أنه يقتص من نفسه فهذا الكرسي الأخضر طال عمرك صعب التنازل عنه :)
في غيره احلفوا إنهم ما ينزلون وانزلوا
وآخرين يرشون عشانه
وغيرهم الكثير
فلننتظر ونرى ما هي تبريرات نائبنا السابق وما هي أسبابه
وما تدري يمكن يفيدنا ويساعدنا من دون قصد في إختيار المرشح الأفضل :))
فريج سعود :
أقدر أجاوب عنه؟؟
إتلاقيه من أيام المتوسطة هذي سوالفه
:))
وغلاتك لأسأله ...
اول شي الحمدلله على السلامة طال عمركم انتم و العايلة الكريمة
ثاني شي
ودي احضر بس دوامي ليل
السؤال : شنو اللي كانت الحكومة بتسويه و انت قمت بدلا منها مشكوراً بالنسف
و يلحق به سؤال مرادف علشان ما يقطع الحبل و يطول الموضوع انك انت و زملائك تمثل الامة و ليس الحكومة، و زملائك لديهم قناعه هل تقبل ان تكون مكانهم و يحصل اللي حصل
و اخذ مني اجابته من اللحين راح يقولك الحكومة مو شيطان و ان كل شغلها غلط لا في شي صحيح و احنا مع الصح و الواحد يقص الحق من نفسه و مشروع الحكومة جدا رائع و بيقعد يشرح لك فيه و مميزاته و ايجابياته
و نصيحة مني لا تدخل معاه بجدال بعد هالكلام لكن قوله كلمة وحده
هل فاقد الشيئ يعطيه حكومة لا تعرف الاستقرار هل هي قادره ان تقدم مشروع استقرار
و كان ودي و الله و يشرفني احضر ديوانكم لكن وجود كلامي هذا و في ديوان ليس ديواني يضع حدود تعودناها بالاعراف الاجتماعية و انا على ثقة انك بتوصل سؤالي
عساك على القوة
Enter-Q8:
الله يسلمك ويعافيك طال عمرك :)
وترى الديوان ديوانك طال عمرك أي وقت يا بو وليد نتشرف.
أما بالنسبة إلى أسإلتك فتأكد إن كلها بتوصل يا بو وليد, وحمدالله على سلامتك انت بعد :)
مشكوور يانغ على هالبادرة
انا اسأله عن اسماء اللي رشحوه لرئاسة اللجنة المالية او ان كانت بالتزكية
لان هالورقة ما تمثله بروحه هالروقة تمثل اللي رشحه للرئاسة او عطاه فرصة للتزكية :)
تحية لك
حياك الله يا حمد:
علم :)
وسؤالك واصل انشاء الله.
مرحبا
يعني ممكن يفوز ؟؟
وبعدين وين الديمقراطية ؟ ليش مافي مكان مخصص للنساء بديوانيتكم ؟
وبعدين ليش ما ازالوها ؟
انا احتج وراح اسوي مظاهرات بساحة الاراده كيفكم
:P
قوله استريح
أنا بانتظار تفاصيل الزياره
واذا
(ين) عندها ندوة قولو لي
انا بصوت لها من اقصى قلبي
:Pp~
صباح الخير لكم ولأسرتكم الجميلة
Makintosh:
مراحب ..
ممكن يفوز, كل شي ممكن ...
أما بالنسبة للمكان المخصص للنساء, شكلي بسويها عن قريب :)
بس ناطر مرشحة تزورنا في الخيمتنا :)
أما بالنسبة على الإزالة ترى على ناس وناس, واللي عندو ظهر ما يتضربش على افاه.
:))
abu eldestor:
عاد تصدق, اعتقد انه راح ينجح.
والله أعلم
ما اقدر اي !! :(
بس عالعموم انا عندي قاعدة حق كل نائب .. تكفون شلخووه بالأسئلة .. طلعوه وريجه ناشف :)
وتحياتي ..
ويسلمواااااااااااااااااااا :)
esTeKaNa :
انشاء الله التفاصيل يايه بالطريق :)
وين, راح أنزلها انشاء الله في الدائرة السادسة مع العيال :)
مع اني واثق ان انزلت ابرك من ويوه وايد بالمجالس السابقة وحتى اليايه.
والله يصبحج بالخير
Q8EL5AIR:
انا حاليا قاعد أسوي دراسة كاملة عن حياته السياسية, وانشاء الله راح أعطي الموضوع حقه.
بدون أي تجريح أو زعل, يظل له إحترامه كنائب سابق أو حتى على الأقل للناس اللي عطوه صوتهم ووثقوا فيه لهم الإحترام.
تحياتي :))
أسئلتي لعبدالواحد العوضي :
لماذا يدعم أسيل العوضي ؟
وما هي نقاط الإلتقاء بينه وبينها على الصعيد السياسي؟
وهل صحيح أنه كان وراء الاصوات التي حققتها في الانتخابات الماضية؟
ودمتم
ولادة:
اسئلة كانت تدور ببالي, وانت اكدتي عليها.
شكرا
وتحياتي :)
المشكله بينزل وبرنامجه اقتصادي
فعلا اذا لم تستحي افعل ماشئت
المشكله الثلاثاء هم يوم دوانيتي بالبيت بس عطني عنوان ديوانكم دام كلنا بالدائره الاولى يمكن نمر عليكم
العزيز يانغ ..
عندي كم سؤال طلبوها مني شباب بدايرتكم – انا بدايره ثانيه :) - ..
كم يدفع بالصوت ؟
وشنو طريقة الدفع ..؟
وندق على منو لو نبي نبيع .. :)
..
امزح معك حبيبي .. :)
والله يعينكم على تحمل نفاق هالمرشحين ..!
انا مره ابو رميه جانا للديوانيه , قلت لأخواني اذا دخل ابي انام بمردانه , جان يقولي ابوي اطلع وفكنا من شرك ..!!
والله ان كثير نواب مو كفو اننا نستقبلهم بالديوان ..
Hashemy:
حياك الله ولد عمي :)
دزلي ايميلك عشان ادزلك العنوان, نتشرف بحضوركم :))
العزيز مطعم باكه:
صحيح نفاق النواب شي غير طبيعي, عارف اللي يكذب ويصدق كذبته, لوووول.
بس ماكو مانع اننا نسمع لهم, بس عشان نحتقرهم وإلا نوقرهم أكثر, ونقول اللي شفناه بذمة ونفضحهم وإلا ندافع عنهم.
لا تاخذ على السمع, شوف بعينك واسأل وتأكد وبعدها أحكم.
على سبيل المثال سيد حسين القلاف, كنت في يوم من الأيام أدافع عنه, ولكن بعد ما شفته وناقشته إتضح لي انه صباح الخير :))
تحياتي
رحمة على والدينكم و والدين والدينكم
سؤالي هو، متى تعتبرون المواطن الكويتي إنسانا بمعنى الكلمة
كيان له عقل و شعور و كرامة؟
العزيز بومحمد:
سؤالك قوي :)
بس هم راح ينسإل :)
Post a Comment