بسم الله الرحمن الرحيم
السرقة متعددة وأساليبها كثيرة, منهم من يبوق أشكره, ومنهم من يوظف منصبة لمصالحه الشخصية ومنهم ومنهم....
تعددت السرقات والبوق واحد :)
الحديث اليوم راح يكون عن سرقات الجمعيات التعاونية, وراح أعطيكم بعض الأمثلة عن السرقات:
في جمعية ...... التعاونية, وقبل بضعة أسابيع, تم إختفاء 56 ألف د.ك من الخزينة, وذلك بعد سرقة أمين الخزينة لهذا المبلغ, وبعد التأكد من سرقته هو مع مساعده, قرر مجلس إدارة الجمعية تنحيته من منصبه, ونقله إلى مسئول الأمن, ومساعده إلى مدير مركز لوازم العائلة.
يالله يا جماعة خل نبوق ..... ( نسيبه رئيس مجلس الإدارة ).
جمعية ...... التعاونية, تم الإنتهاء من بناء الجمعية مؤخرا بأحدث الأساليب والتقنيات الموجودة, وتم صرف مبالغ مهولة عليها, كما تم شراء أجهزة جديدة ( أجهزة الكاشير, كمبيوترات ... ) والجمعية شبه إكتملت لإفتتاحها رسميا, ولكن ....
بعد المطرة اللي طافت, إتضح بأن السرداب يسرب ماء, فغرقت الجمعية بأجهزتها ومعداتها وبفولها وبصلها وخسرت الجمعية مئات الآلاف من الدنانير.
على حساب منو ؟؟؟؟ أعضاء مسوين نفسكم فاهمين وكبيركم ماخذ شهادته من الهند وبيصير مقاول !!!!
جمعية ........ التعاونية, وهالجمعية شغلها غريب عجيب, توظف بالهبل قبل الإنتخابات, وبعد الإنتخابات تفنش ؟!؟!؟ وتشوف أغلب مناقصاتها ما ترسى إلا على شركة وحدة ولشخص واحد فقط. ورئيس المحاسبة فيها هو إله الأعضاء, أكيد إله, ماكو بوقة ما خشها, ماكو لعب يبونه مايسويه, واللي في أمه خير, سواء من الأعضاء أو الموظفين يكلمه ( على فكرة يسمونه الطاووس وهو مصري الجنسية ).
منتوا قادرين تديرون الجمعية, خلوها للأكفاء, هو مو إحتلال ليش لكم الأغلبية بالمنطقة.
الكلام يطول, والجمعيات وايد, والله ما كثر الحرامية فيها, قبل مدة قصيرة وزارة الشؤون الإجتماعية والعمل حلوا مجلس جمعية ....... التعاونية, لأنهم باقوا بس مليون دينار.
حرام يا وزارة الشئون, ترى في عدل بسرقة المليون على الأقل توزع على جميع الأعضاء, خلوا الناس تعيش .....
كثير من الناس تتساءل, ليش هالتناحر على عضوية مجالس إدارات الجمعيات التعاونية, هل صار في معلوم :))
طبعا اللي قلته قليل من كثير, وما دخلت بتفاصيل وإلا حتى باجر ما أخلص.
هذا والسلام عليكم ورحمة الله وبركاته :)
السرقة متعددة وأساليبها كثيرة, منهم من يبوق أشكره, ومنهم من يوظف منصبة لمصالحه الشخصية ومنهم ومنهم....
تعددت السرقات والبوق واحد :)
الحديث اليوم راح يكون عن سرقات الجمعيات التعاونية, وراح أعطيكم بعض الأمثلة عن السرقات:
في جمعية ...... التعاونية, وقبل بضعة أسابيع, تم إختفاء 56 ألف د.ك من الخزينة, وذلك بعد سرقة أمين الخزينة لهذا المبلغ, وبعد التأكد من سرقته هو مع مساعده, قرر مجلس إدارة الجمعية تنحيته من منصبه, ونقله إلى مسئول الأمن, ومساعده إلى مدير مركز لوازم العائلة.
يالله يا جماعة خل نبوق ..... ( نسيبه رئيس مجلس الإدارة ).
جمعية ...... التعاونية, تم الإنتهاء من بناء الجمعية مؤخرا بأحدث الأساليب والتقنيات الموجودة, وتم صرف مبالغ مهولة عليها, كما تم شراء أجهزة جديدة ( أجهزة الكاشير, كمبيوترات ... ) والجمعية شبه إكتملت لإفتتاحها رسميا, ولكن ....
بعد المطرة اللي طافت, إتضح بأن السرداب يسرب ماء, فغرقت الجمعية بأجهزتها ومعداتها وبفولها وبصلها وخسرت الجمعية مئات الآلاف من الدنانير.
على حساب منو ؟؟؟؟ أعضاء مسوين نفسكم فاهمين وكبيركم ماخذ شهادته من الهند وبيصير مقاول !!!!
جمعية ........ التعاونية, وهالجمعية شغلها غريب عجيب, توظف بالهبل قبل الإنتخابات, وبعد الإنتخابات تفنش ؟!؟!؟ وتشوف أغلب مناقصاتها ما ترسى إلا على شركة وحدة ولشخص واحد فقط. ورئيس المحاسبة فيها هو إله الأعضاء, أكيد إله, ماكو بوقة ما خشها, ماكو لعب يبونه مايسويه, واللي في أمه خير, سواء من الأعضاء أو الموظفين يكلمه ( على فكرة يسمونه الطاووس وهو مصري الجنسية ).
منتوا قادرين تديرون الجمعية, خلوها للأكفاء, هو مو إحتلال ليش لكم الأغلبية بالمنطقة.
الكلام يطول, والجمعيات وايد, والله ما كثر الحرامية فيها, قبل مدة قصيرة وزارة الشؤون الإجتماعية والعمل حلوا مجلس جمعية ....... التعاونية, لأنهم باقوا بس مليون دينار.
حرام يا وزارة الشئون, ترى في عدل بسرقة المليون على الأقل توزع على جميع الأعضاء, خلوا الناس تعيش .....
كثير من الناس تتساءل, ليش هالتناحر على عضوية مجالس إدارات الجمعيات التعاونية, هل صار في معلوم :))
طبعا اللي قلته قليل من كثير, وما دخلت بتفاصيل وإلا حتى باجر ما أخلص.
هذا والسلام عليكم ورحمة الله وبركاته :)
37 comments:
كلامك صحيح يا خوي
الحرمنة في مجال الجمعيات التعاونية شغالة
و لا حسيب و لا رقيب
للاسف
وهذا سبب لتفسير لماذا يستذبح البعض على انتخابات الجمعيه!!
قريب لي كان ينزل بانتخابات الجمعيه بهدؤ،نظرا لحنه القريبين منه ويفوز الاول لمده خمس سنوات من حب الناس له وثقتهم فيه
عندما عرفنا نحن الحريم بان بانتخابات الجمعيه الحريم يقعدون ويجيبون حلو ويكلمون الناس كشخنا ورحنا
الريال خسر
loooooool
هذي ذكرياتي عن انتخابات الجمعيه:)
نرجع للموضوع:
موضوع كبير
والسؤال:هل هناك ادله لكل هذا؟
ولما يسكت الجميع عن كل هذه التجاوزات؟
عزيزي عثماني:
لما تدش في مجال التعاونيات, تشوف العجب.
للأسف الكل يقول أنا بترشح عشان أخدم المنطقة والمساهمين, ولكن في الحقيقة هو ما يخدم إلا نفسه.
تحياتي
إختي إستكانة:
قبستوا على الريال وقعدتوا :)
عاد صج, بالإنتخابات, تلقين الحلو والقهوة والمعجنات, لا, ومن مطاعم فاخرة, مو أي كلام بعد :)
أما بالنسبة للأدلة, فهي دامغة, وواضحة كوضوح الشمس, وتأتي وزارة الشئون وتحقق بالموضوع وتثبت السرقة, وبعدين براءة؟؟؟ شلون مادري :(((
ومثل سالفة أول جمعية سرقة الـ 56 الف د.ك هالسالفة ماوصلت للشئون, كتموا عليها وخلصوا الموضوع.
وبالنسبة إلى سؤالك ليش الجميع ساكت على التجاوزات, فالتجاوزات طالت الكل, والمثل يقول, وكلني ووكلك.
تحياتي
عزيزي قبل يقولون:
لا تبوق .. لا تخاف
الحين الوضع صاير:
بوق ... ولاااا تخاف !!!
لما الواحد يقول لكم عندنا أزمة ضمير وأخلاق محد يصدق
والمحسوبية والواسطة حتى في الشرع والقانون ومن الأساس عدم تطبيقه
ذممهم شوسعها !!!!!!!!
وأنا أعلم بمدى صدق هالبوست ومشكور على كتابته ...
Here are my two cents on the subject. Fintas Co-op administration works from 7 AM till 3 PM my question is when can I go there to get an account with them while I work at that time in Kuwait city. Of course all the staff there is what?? Egyptains sal 3ala el niby. When I asked they told me talk to the secretary who comes in the evenings, sometimes, of course I am at his Egyptian royal mercy.
المشكلة بقانون الجمعيات
يحتاج الى تعديل
لعلمك بأن الشؤون لا تملك الحق بالاحالة الى النيابة لوجود شبهه مالية
وهنا يأتي دور الحكومة لتعديل هذا القانون
كلامك صحيح وبالفعل الجمعيات التعاونيه صارت للنهب والاستنفاع ماجنها فلوس ناس بالجمعيه
تصدق انا مفكر اني انزل انتخابات الجمعيه المهم ذكرت الموضوع جدام واحد من شياب المنطقه جان يقولي يا فلان احنا نعرفك ونعرف يدك وابوك واهلك خوش ناس ماخبري فيك حرامي!! شتبي بالجمعيه لووووووووووول
شوف لي اي درجه الناس غسلت ايدها من اللي ينزول الانتخابات والشؤون للاسف القوانين تطبقها على ناس وناس
بس كنت اتمنى تذكر الجمعيات واعضاء مجالس الاداره باسمائهم لان ناس نفس هذيله فاسدين مايستحقون انك تسكت عنهم ويعطيك العافيه اخوي
جمعيتنا قبل سنة ما وزعت أرباح، و السبب المعلن : بــوقة!
شلون و ليش و شصار؟
العلم عند الله سبحانه.
المسألة صارت من صادها عشّى عياله ، اليوم جمعية و باجر نادي رياضي و عقبه بلدي أو أمة ، و على ما يوصل للمرحلة الأخيرة يكون مكون له ميزانية تساعده على حملاته الإعلانية و برنامجه الإنتخابي اللي أول بند فيه (حمـاية الأموال العامـة و صيانتهـا)!
الجمعيات صارت "مفارخ" لتفريخ ميزانيات الحملات الإنتخابية المستقبلية، لذلك تتذابح عليها التيارات!
التعيين زين وااايد زين
علشان يحاسبون
الانتخبات تداخل المصالح ببعض
عزيزتي الغالية وحكومتي Yin:
وإلا نقدر نقول, لا تبوق وخاف :)
الحين اللي مايبوق وما ياخذ رشوة يعتبر ظواهر سلبية.
الله يستر على الديرة
BKK:
Most Co -Op's are changing working hours to 1 shift now, So its going to be everybody's problem, in my humble opinion I think that their customer service departments should work a second shift to accompany the needs of share holders.
as for egyptions I have nothing against them but I do have a problem with the power they are given over other kuwaiti nationals with no apparent reason nor cause.
thank u
أخي العزيز abu eldestor:
ما أخالفك الراي بالنسبة إلى قانون الجمعيات لابد من نفضه وتغييره ..
وبالنسبة لإحالة الشؤون بعض الجمعيات إلى النيابة أعتقد والله أعلم بأن لها الحق بأن تحيل ..وقد تمت إحالة بعض الجمعيات في حالات سابقة إلى النيابة بناءا على كتاب من الشؤون بعد التحقيق فيها....
خل الحكومة تعدل القوانين الأهم عشان توصل حق هذا ّ!
Hashemy :
لوول
لو خليت خربت أخي, ولكن كلامك أنت وصاحبك صحيح .
لو ينزل نبي من السما ويرشح نفسه, هم يسمونه حرامي, فخلك بعيد :)
بس الحلو بإجابة المرشح لما تسإله: انت ليش مرشح نفسك؟؟؟
المرشح: أبي أخدم المنطقة ( إلا بتلف المنطقة يالملعون لووول )
تحياتي لك
ولا تنزل انتخابات ترى اول واحد بكتب عنه انت :))))
( بالخير طبعا )
سفيد:
صدقت والله,
عدلي كم واحد كان عضو مجلس إدارة جمعية وصار عضو مجلس أمة ؟؟؟
أنا بمنطقتي في 3 كانوا أعضاء جمعية وصاروا أمة.
وحتى اللي دخل الأمة حافي وكان سايق تاكسي والحين مليونير, واللي كان موظف بالبلدية والحين شركاته ماخذه جميع مناقصات النفط, وغيره وغيره....
كله من عرق جبينهم, الله يعطيهم العافية, يتعبون بالبوق.
تحياتي
فريج سعود ( بوخرشد متنكر ):
أي زين, ناس قاعدة ببيوتها ومعاشاتها توصل لحسابها كل شهر, لا وبعد ياخذون أعمال ممتازة.
على قولتك مصالح
ومثل ما قال أخي العزيز سفيد:
من صادها عشى عياله
خلك انت داوم ودق من الصبح للظهر والناس متكيه وتاخذ معاشات, يبيله نسويلك برنامج مثل بو خرشد :))
تحياتي
شلونك اخيي ابو اليوانج
عاد انا اكثر وحده كنت احن على سالفة الترشيح للجمعية ..
كنت ابي اعرف السر وراها
وما عليك امر دامك شرحت باسهاب
شرايك توضحلنا بعد ليييييش ذابحين نفسهم عالنوادي بعد
سلامي للغالية ينيونه
صج عاد انا ما اعرف اسكت
منو مسوي البنر؟؟!؟!؟!؟
ههههههههههه
اسمك عند الشوك واسم ينيونه عند الورد
:")
zooooooooooooooooooooooz:
حبيبتي والله وبعد جبدي !!
شكثر استانست يوم شفت إسمج بالتعليق .. وقريته أكثر من مرة عشان أتأكد !!
يا رب تكون دليل إن نفسيتج أحسن من قبل يا رب
إي والله أسفرت وأنورت واستهلت وأمطرت
أنا أقول اليوم مطر وخير وبركة
شلونج؟ وشلون الوالدة ؟
البارحة اسأل منال عنج وأقولها من يوم الأثنين اللي طاف ما أدري عنها ولازم أدق !!
حبيبتي والله يا هلا باللي لفانا يا هلا به :)
الحين دور الزف
ولج ما تسكتين!!!!
خو دزي التساؤل ايميل !!! الله يغربل إبليسج !!!!!!!
محد كان منتبه غيري وما انتبهت إلا عقب ما خلصت التصميم ولو ذابحيني ما أرد أعدله واشتغل عليه !!!!
وبعدين هذا مو شوك !!! هذي شجرة رجولية قوية وصلدة صمدت أمام الزمن والمناخ !!!! شجرة عندها خبرة في الحياة !!
:)) وأخلي يانغ يرد عليج بخصوص الجزئية المتعلقة بالجمعيات !!
سلمي على الوالدة وحبي راسها
miss you
:))
تحية لـ ين ويانج!
أنا صراحة أطالب إنكم تكشفون عن أسماء هذه الجمعيات علشان إحنا وغيرنا يعرف...
المهم... مو هذا سبب تعليقي وزيارتي لمدونتكم الكريمة
ممكن بعد أذنكم 6 ساعات من وقتكم الثمين أتكلم لكم فيها عن إنجازات وأهداف وطموحات المرشح خالد الطاحوس؟ حتى لو مو أهل الدائرة الخامسة... بس علشان أحلل الفلوس...
هلو عيني هلو, وشلونش, وشلون أمش, وأخوش ؟؟؟
أنا برد عنش :)
الكل بخير الحمدالله بس ودنا نرجع ( هوم سك )
إنشاء الله تردون بالسلامة وبصحة وعافية ونزوركم في الخيمتكم :)
بالنسبة للنوادي, إعلمي يا أختي بأن أي جمعية, نادي, مجلس أو نقابة ....الخ الغرض منه:
أولا: أول الدرج لمجلس الأمة.
ثانيا: علاقات وهدايا ونهب وسلب.
ثالثا: إشباع الغرور
طبعا الجمعيات قلت عنها قليل من كثير ويبيلها تفصيل في بوست لاحق إنشاء الله.
والنوادي أيضا, إخذي هالمثال:
ولد اخوي يلعب بأحد النوادي, والمفروض ينزله 400 د.ك كل شهر وهم عادة ينزلون كل 3 أشهر مع بعض.
المهم يا محفوظة السلامة, كل 3 أشهر يستلم 1200 د.ك, وبعد ما يستلمهم يجيه المدرب يقوله: عطني 600 د.ك.
ولد اخوي: ليش, عسى ما شر ؟؟؟
المدرب: انت ذاك اليوم تأخرت على موعد التدريب ( ترى والله ما زليت بكلمة, ولد اخوي جدا منتظم, ولا يتأخر ولا يغيب نهائيا )
ولد اخوي: تفضل, ويعطيه الفلوس....
لو على ولد اخوي مخالفات, كان خصموا عليه النادي ديركت, مو يسلمونه المبلغ كامل وبعدين المدرب ياخذ نصه يحطه بجيبه؟؟
وترى هذا مدرب, مو عضو مجلس إدارة النادي, فما بالك بالعضو ؟؟؟؟
العضو يحصل على:
1- هدايا من الشركات.
2- معونة وميزانية سنوية من وزارة الشئون للنادي, وبعد شهرين تخلص, شلون مادري؟؟؟؟
3- يدخل شركاته ويستفيد.
4- يعين ناس وهميين وياخذ معاشاتهم ( وهذي حصلت بنوادي وايد ).
5- علاقات ومعارف للنصب عليهم.
6- سمعة .
وايد وايد , كإنك دوختيني :(((
بس خلاص, لما ترجعين انشاء الله أقولج كل شي :)
سلميلي على أخوش والوالدة كثير السلام , وإنشاء الله بحق القائم عجل الله فرجه, عودتكم قريبة.
Dr. Blue:
شوف هذي أول غلطة, ليس ين ويانج إنما هو يانج وين ( الرجال قوامون على النساء ) مايصير بالبيت مو قوامون وهم بعد بالمدونات مو قوامون :)
نسيت بعد جمعية ...... التعاونية بنص البنيان ولا الفلوس خلصوا, الأعضاء لاهفين 500 الف د.ك, وترى كل هالبوقات ما صارلها شهرين وعليك الحساب؟؟؟
أنا خبري الطاحوس حافي منتف, شلون طلعت منه فلوس :)
حاضرين طال عمرك عشرطعش ساعة مو ست :)
زووووز:
نسيت...
شفتي شلون, شفتي الحكومة شقاعدة تسوي بالشعب :(
قلتلها خليني أسوي البنر, قالت لا, انا اسويه :(
بعدين هي حطت نفسها على الورد, والشوك لي يغززني, كل هذا عشان أنا طيب ومسكين ( كل الجدي هاكزا )
أشكي لمين وروح لمين :(
YANG:
أنا قلت مستحيل تعديها !!!!
ويوم قريت ردك على زوز قلت زين والله طَوَفها !!
أثاريها خطة تسلل ومباغتة !!
إنها شجرة وليست شوكاً!!!
زوز الله يغربل إبليسج ردي على التلفون خل أبرد جبدي فيج ..
لوول
:))
إسمحلي يا يانج...
ليديز فيرست!
:o)
احنا جمعيتنا باقوا منها مليونين اخير مره , ومن يومها ما شفنا ارباح , هالحجي من سبع سنين تقريبا .. :)
هالشي خلاني افكر ارشح نفسي بجد .. :)
Dr. Blue:
مسموح, مسموح, يا خريج الانجلش سكول :)
إنت تمون, وهي الحكومة :)))
شقول ؟؟؟
عزيزي مطعم باجه:
يد وحدة ماتصفق, حتى لو رشحت نفسك, إذا ما كان وراك تيار, أو قائمة وأغلبية في المجلس, مارارح تقدر تسوي ولا شي .... للأسف.
الأغلبية تبوق, والأقلية ما يدرون وين هوى دارهم (مهمشين) :(
يالله
اقبض بالله عليك
و واحدهم يسوي عمره أشرف من الشرف لي افتر على الدواوين
شي يعور القلب الصراحة
صج من أمن العقاب أساء الأدب
دمت و الأهل و الأحبة برعاية الله
هذي الكويت ... صل على النبي
حتى الجمعيات ما سلمت!
لا حول ولا قوة الا بلله
اوصل سلامي للاخوات الغاليات ين وزوز من هذا المنبر
ههههههههه
ما عليه دخلت عرض
------------------------
بس موضوع حساس جدا ووايد ناس تستخف بانتخابات الجمعيات الي وراها بوق وسرقات واااايد
الصراحة
الموضوع لا يقل اهمية من انتخابات مجلس الامة او البلدي
والاهم من هذا
ان الموضوع ذكرني بسرقة الناقلات
وضاق خلقي
------------------
تصبحون على خير
ونلقاكم بعد اسبوع باذن الي ما تنام عينة
في امان الله
:)
Manal:
يا زين الحبايب لين هلوا على الواحد بيوم واحد :))
لووووول
بتخطبين على هالمقدمة !!! لوول
تروحين وتردين بالسلامة حبيبتي
والله يحفظكم من كل شر يا رب
وهالله هالله بالصور السنعة
ويا رب الجو البديع وصحبة الأحباب يعدلون المزاج والنفسية وتصيرين مية مية :)))
وأترك التعليق على جزئية الجمعيات لزوجي العزيز يانغ
:))
العزيز بو محمد:
الأعضاء ماتشوفهم إلا قبل الإنتخابات باسبوع.
ولما يقعد, تقول مرشح نفسه أمة مو جمعية, خلها على الله.
سايبه
حجر كريم:
شنو سلم بالكويت ؟؟؟
عطيني مكان نظيف ؟؟؟
للأسف, قاعدين نرجع ورا :(((
اختي منال:
تروحون وتردون بالسلامة, بس اشتري كاميرا حق المسكين صلاح, ترى حرام.
بحفظ الله ورعايته
اي و الله لما قلت ليش التناحر
دايما اسالهم شعندكم لا معاشات فيها و صيحه ليش
هذا اللي نعرفه و ما خفي كان اعظم اعظم
وخصوصا مبنع الذهب الدائم ومحل الخلاف الدائم
الخضرة
هلا بو وليد:
دير بالك تنزل إنتخابات الجمعيات :)
عاد تصدق بأن عضوية الجمعيات أبرك من مجلس الأمة, على الأقل بالجمعيات بوق ومحد يدري عنك, بس بمجلس الأمة سيفكك من خالد العتيبي :)
تحياتي :)
Post a Comment